« Odgovori #42 : Studenoga 14, 2012, 13:45:10 »
Eeee Dražo jesam lipo nego ča, a to kad bude pemzija onda neću niš delat, sidit ću pred kućon (to san naučil od stari ljudi tako su i oni.) Ča se sada tome smiješ? Pa e tako su sidili moji susjedi stari ljudi pred kućon i motrili ki kuda prolazi, nebi ni ćeno bolje pazil. E tako ću i ja lipo sest pred kućicu i motrit te gospojine kad se budedu šećale uz Gacku, al' jok neću niš radit samo motrit i ku Ličanku zdrmat mislin 
. Ča se tiče poze ili kako ti kažeš pozicije ima malo višlje livo, e tamo bi bilo taman neku izbu napravit sa Frižideron, dva tri stolića sa kantrigami pa da se moredu te stranjkinje okripit poslije šećanja po putićima. E a da bi se to sve postiglo i prevuklo goste i stranjkinje treba najprije zasukat rukave, napravit nešto kaj ča san gori rekal putiće okolo Gacke i po Plasini, a i ostalom gorju, er kud ćeš lipši pogled nego kad se spenješ, a pogled puca po lipoj nam Gackoj Dolini, treba brine s ovije i onije strane Gacke očistit, er se to čistilo još prije rata dok su ljudi imalo nešto blaga u štalama, još kadi ku klupicu i stolić metnut da se malo usput odmoridu cipele eli?. E kad se to malo pripremi ča bi se reklo "kad se pripremi teren" unda lipo pozvat stranjikinje da imadu nač doć. A ovo da ti ne divanin uzalud dokumentirat ću ti uskoro, 
sad me glavina boli..... 
Eto malo sam zakasnil pa se zamišal ponekoji novi post između al' ajde de dobro ovo can citiral, a ki oće more pretisnut na stranicu Numera 4 pa progruntat sve iz početka.
Evo vako ovo je sada nastavak od noga prvoga, pa kaže;
Eto mene da završim ovo gori započeto. I tako ja u petom mjesecu nešto u dvorišću, nekoga vraga čeprkam i slučajno provirin prema Gackoj, kad ono imaš ča ti vidit, iiiiiiiiii ljudi moji ja to svojin očima dosada nisam vidil toliki narod pomisli reko ča je ovo, ma ovo treba ovjekovječit i tako ja dok sam našal na brzinu voga vraga ča slika, ma stalno mi je pri ruci, al‘ eto tada ni sam nisan znal di sam ga vrgal, pa sav se skoro isprebija dok ga najde. Eee sva srića pa je baterija dobra bila inače od voga ovjekovječenja niš. I tako se ja strmoglavin doli ispod kuće na put eli i odma uvatin škljocat eli, er kad projdedu badave zadni kraj slikat. Škljocan ja tako a oni se namišćedu i mašedu i pitadu, a za kaj vi nas slikate?
Kljiknite na slike da bi više vidili
U reko ovo su iz metropole, i tako ja reko za to i to, e kažu daj još jednom da pozdravimo forum nasa-lika. I tako malo smo dvi tri riječi prebacili reko odkud vi, a oni, mi iz Zagreba, reko kojim dobrom, a oni uglas obilazimo Gacku, ma pomislim sam u sebi kakovo je to obilaženje 50 metri od pučine šećat po noj žegi isusovoj po asvaltu i kažu obilazimo Gacku, al reko neću niš reć, neću im kvarit raspoloženje. I tako oni odoše rekli mi da moradu pružit korak er da ih čeka večera kod Majsića, pa da moradu požurit,
ja osta u čudu pitajući se kako to oni obilaze Gacku, a tako daleko od nje er ja kad obilazin, ma ja se tako blizo primaknem da se skoro ofliznem i strmoglavim u vodu, a oni obilaze na daljini od 50 metri i kažu još da im je super. Eeee sad da se vrnem na ono prvo ča san napisal gori, daklen obilazili bi oni Gacku i izbliza, al‘ nemoreš ti prić od onije rese, trave, svakoga vraga ima tote, ma ljudi moji kad se samo sitin unazad 20 godin mogal si se vode napit na svakome brodišću, mogal si se vode napit di god staneš uz vodu, a noge razladit da i ne divanin, a danas, danas nemaš kadi moraš kilometre ić da bi mogal negdi vode zakalat i popit. E onda sam našal u ednim ličkim onlajn novinami baš
evo ovdeda će se to sve lipo od izvora pa nizvodno ovije godine uredit, pokosit, očistit, prefarbat, premazat iiiii i to sve u 3 miseca i to još sa tri čovika pred pemziju. Oooo reko bogo moj da mi je i to dočekat i dočekal eto to se objavilo
11.07.2012. dakle radovi su bili u punom jeku kako se ovde kaže, no iz najnovojih informacija čujem da je nešto oko izvora pokošeno i tako neki par sitni stvari uradjeno (varan te bože) dosta pive popijeno i to je to. I onda se ja pitan zač turisti koji obilaze Gacku krajče 50 metara od nje, eto zato. I onda još kažu „
da se i prilikom ovih radova strogo vodi računa o zaštiti prirode. Šaš u vodi, uz samu obalu, ostaje netaknut jer predstavlja stanište mnogih životinja, a kosi se samo trava na obali kako bi se ribolovcima olakšao prilaz i kretanje prilikom mušičarenja.“ A di je prije bil šaš i trava, sve bilo golo obrijano pa su tu i tada stanovale životinje i životinjice . Ovo o ribolovcima, baš sam pričao sa dvojicom austrijanaca koji dolaze godinama i kažu da je jako zapušteno oko gacke u odnosu kako je prije bilo čisto, a imam i slike di se to sve more lipo pogljedat eli, travulja narasla ne mišu do kolena, nego mišu do ramena kaj ča se i evo vode vidi samo im glave viridu iz trave, koda su na položaju, a ne u ribarenju, e
pa ti sad tote zabaci udicu. E sad bil san i prije dvi tri nedilje jopet doli, nisan imal vremena obilazit eli, dojdeš nakratko pa na vrat, na nos, daj popi, daj pojedi, daj čagod podelaj i biž nazad, al‘ i ono ča san vidil dosta je, ma vidil san da se to evo do kraja desetog miseca ni maklo s mesta, a kamoli da je sve očišćeno i sređeno. Nego za to se treba potrudit u jesen i rano proliće da se to obavi pokosi, poriže, sredi, očisti, počisti, povadidu fližideri, gume i ostali nakit iz gacke, est da je toga punoooooo manje negoli prije, ali ipak se najde bisera koje nesavjesno domicilno stanovništvo lageruje u lipu nan gacku vodu. E, pa unda kad dojdedu turisti lipo na proliće da se moredu razbaškarit po Gackoj, da moredu divanit o lipoti i prevuć još više prijatelja i ča ti ja znan koga sve ne, eee to bi onda bil posal, ali ako oš nešto dobit moraš i dat tako je to u vome našemu životu eli?, a ne samo imat ruku kaj srp samo daj meni, a tebi kako bude. Eto toliko dragi moji ja ovde svačesa nadrobi, a valja će nekome bit i zanimljivo za pročitat. Lipo vas sve pozdravljan!
P.S. Evo samo za usporedbu na voj sliki doli kako je to izgljedalo u ona dobra vremena.
webmaster@nasa-lika.com
Forum
Pomoć
Traži
Prijava
Registracija
Tema: Gacka (Posjeta: 59378 )
