« : Prosinca 15, 2012, 20:17:32 »
Kako se pravi ili se pravilo kod nas u Čoviću.
Kad se prasci zakoljedu, eli onda se glavine, ako ima sniga i čvika je bacidu u snig da izvučije nu krv, ko nema sniga onda se u vodu ledenu metnedu i isto dobro. Unda se lipo očistidu, operedu pobrijedu dlake ako ka ostala i tako to eli, rasičedu se po pol i onda se utovaridu u veliki kotal da se kuvadu, tote se još kašnje dodadu; srce, pluća, kožice ča se oderije slanina iž nji za mast topit i to se onda kuva dok ni kuvano, onda se izvadi da se ladi.
E onda se lipo odvoji meso od glavine pa se to sve lipo sriže na manje komade doda se ocvirkov tako za šaku, dvi (prije su od droba odvajali salo i topili pa se to salo mećalo er su ocvirci bili za ist onako sa kiselin zeljen i palenton) i onda se to sve lipo propušći kroz flajšmašinu, doda se malo kukuruznog brašna i tako oko 1-2 dcl krvi radi boje, zalučene vode, ali samo vode u koj je bil samljeven beli luk, soli, papra i paprike sve to po želji ili provanju dotičnih. Nekoga specijalnoga recepta nema.
Onda se to sve zamiša lipo prova jeli dobro i onda se punidu creva, mi smo prije punili debela creva od praseta, a rižedu se na duljinu tako da bi edna familija imala za obrok. Najbolje je kad se gužnjak nadene, to se cenilo. Danas se većinom upotrebljavadu creva iz mesnice.
E onda kad se Jelito nadene onda se ta dva kraja spojidu i zavežedu sa dretvon. Kad su sva nadenuta, onda se sa žbicon, iglon ili čačkalicon (danas) malo pobockadu, to se radi da ne puknedu, a iz nji izajde zrak i del masnoće. U kotlu se zakuva voda baci se čaka soli i polako se onda utovaridu Jelita, mišadu se polako, kad se počmedu dizad na vrv onda su gotova. Povadidu se van da se oladidu i onda drugi dan se obisidu u sušaru da se prodimidu dva-tri dana.
Prije je to bilo ilo do Božića, malo ki je imal kašnje Božića, a danas se metnedu u škrinju pa se ima i preko cele godine.
Jelita se moredu ist, friška,(jer su svi sastojci već prokuvani), kuvana i pečena na domaćoj masti.
Meni osobno su najbolja pečena i krunpir kuvan ucelo, mmmmmm.
Riječ "Jelito" dolazi iz slovačkog i poljskog jezika, a znači jednostavno "crijevo" ili , ako mislite da nije tako molim ispravak.
webmaster@nasa-lika.com
Forum
Pomoć
Traži
Prijava
Registracija
Tema: Jelito (Posjeta: 7241 )
